மக்கள் மனதில் இருப்பதை மோடி புரிந்து கொள்ள வேண்டும்: உத்தவ் தாக்கரே

பிரதமர் மக்களிடம் மனம் திறந்து பேசுவதற்கு பதிலாக, அந்தக் மக்களின் மனதில் இருப்பதை புரிந்து கொள்ள வேண்டும் என சிவசேனா தலைவர் பேசியுள்ளார்.
பிரதமர் மோடி ‘மான் கி பாத்’ (மனதிலிருந்து பேசுகிறேன்) என்ற வானொலி நிகழ்ச்சி மூலமாக மக்களுடன் உரையாடி வருகிறார்.

இந்நிலையில், சிவசேனா தலைவர் உத்தவ் தாக்கரே பாஜக அரசையும் பிரதமர் மோடியையும் தாக்கி பேசியுள்ளார்.

மகாராஷ்டிர மாநிலம் கல்யாணில் தேர்தல் பிரச்சாரம் மேற்கொண்டு வரும் உத்தவ் தாக்கரே பேசுகையில், மக்களிடம் மனம் திறந்து பேசுவதற்கு பதிலாக, அந்தக் கட்சி (பா.ஜ.க) மக்களின் மனதில் இருப்பதை புரிந்து கொள்ள வேண்டும்.

மேலும் மோடியின் ஸ்மார்ட் சிட்டி திட்டங்கள் எல்லாம் வெற்று வாக்குறுதிகளைத் தவிர வேறெதுவுமில்லை என்று கூறியுள்ளார்.

மகாராஷ்டிர நகராட்சி தேர்தலை கூட்டணி கட்சிகளான பா.ஜ.க-வும் சிவசேனாவும் தனித்தனியாக எதிர்கொள்வது குறிப்பிடத்தக்கது.