மும்பை நிழல் உலக தாதா சோட்டா ராஜன் பாலியில் கைது

மும்பை நிழல் உலக தாதாவான தாவூத் இப்ராஹிமின் நெருங்கிய கூட்டாளியான சோட்டா ராஜன் இந்தோனேசியாவின் பாலியில் கைது செய்யப்பட்டுள்ளார்.
இந்தியாவில் பல்வேறு கொலை வழக்குகள் தொடர்பாக தேடப்பட்டு வரும் குற்றவாளியான சோட்டா ராஜன் (55) கடந்த 20 ஆண்டுகளாக தலைமறைவாக இருந்து வருகிறார்.

இந்நிலையில், சோட்டா ராஜன் பற்றி, அவுஸ்திரேலிய பொலிசார் அளித்த துப்புத் தகவலின் அடிப்படையில், இந்தோனேசிய அதிகாரிகள் அவரை கைது செய்துள்ளனர்.

நிழலுலக தாதா சோட்டா ராஜனின் கைதை மத்திய உள்துறை அமைச்சகம் உறுதி செய்துள்ளது.

மும்பை குண்டுவெடிப்பு, மற்றும் பல கடத்தல் கொலை வழக்குகளில் இவர் தேடப்பட்டு வந்ததால், இந்தியா கோரிக்கை வைத்தால் சோட்டா ராஜன் இந்தியா வசம் ஒப்படைக்கப்படலாம் என்று கூறப்படுகிறது.