அவன்கார்ட் ஆயுத கப்பல் குறித்து இன்றும் விசாரணை

தகவல்களை மறைத்து ஆயுதங்களுடன் காலி துறைமுகத்திற்கு வந்த அவன்கார்ட் கப்பல் தொடர்பான விசாரணையை குற்றப் புலனாய்வுப் பிரிவினர் இன்று மேற்கொள்ள உள்ளதாக காவற்துறையின் தகவல்கள் தெரிவிக்கின்றனர்.
குறித்த அவன்கார்ட் நிறுவனத்தின் கப்பலுக்கு காவற்துறையினரின் பாதுகாப்பு மாத்திரமல்லாது கடற்படையினரும் பாதுகாப்பு வழங்கி வருகின்றனர்.

கப்பல் சம்பந்தமாக விசாரணை நடத்துவதற்காக குற்றப் புலனாய்வு பிரிவினர் நேற்று காலி துறைமுகத்திற்கு சென்றிருந்தனர்.

கப்பல் தொடர்பில் விசாரணைகளை நடத்த காலி நீதவான் நீதிமன்றம், புலனாய்வுப் பிரிவினருக்கு அனுமதி வழங்கியதுடன் நேற்று விசாரணைகள் ஆரம்பிக்கப்பட்டன.

சம்பந்தப்பட்ட ஆயுத கப்பல் குறித்து கடற்படையினர் வழங்கிய அறிக்கையை பாதுகாப்பு அமைச்சு நியமித்த குழு ஆராய்ந்து வருகிறது.

பாதுகாப்பு அமைச்சின் விதிமுறைகளுக்கு ஏற்ப செயற்பட்டிருப்பது கண்டுபிடிக்கப்பட்டால், அதற்கு எதிராக சட்டத்தை உரிய முறையில் செயற்படுத்த போவதாக பாதுகாப்பு அமைச்சின் செயலாளர் கருணாசேன ஹெட்டியாராச்சி குறிப்பிட்டுள்ளார்