ஹரியானா நபருக்கு ”ஷாக்” கொடுத்த மின்வாரியம்: ஒரு மாத மின் கட்டணம் ரூ.85 கோடி

by oviya Mon Sep 28, 2015 1:27 pm

ஹரியானாவைச் சேர்ந்த ஒருவருக்கு ஒரு மாத மின்சார கட்டணம் ரூ.85 கோடி வந்ததை பார்த்து அவர் அதிர்ச்சியில் உறைந்துள்ளார்.
ஹரியானா மாநிலம் சன்டிகரைச் சேர்ந்த ஹெச்.எஸ். வர்மா நடுத்தர வர்க்கத்தைச் சேர்ந்தவர்.

வர்மாவின் ஒரு மாத மின்சார கட்டணம் ரூ.85 கோடி என்று அம்மாநில மின்வாரியம் அவரின் தலையில் இடியை இறக்கியுள்ளது.

வர்மா இது குறித்து கூறுகையில், வழக்கமாக மாதம் ரூ.2 ஆயிரத்து 200 முதல் ரூ.2 ஆயிரத்து 500 வரை தான் மின் கட்டணம் வரும்.

ஆனால் இம்முறை ரூ.85 கோடி கட்டணமாக வந்துள்ளது அதிர்ச்சியை ஏற்படுத்தியுள்ளது.

இதனால் நாங்கள் பெரிய பிரச்சனையில் சிக்கியுள்ளோம் என தெரிவித்துள்ளார்.

முன்னதாக கடந்த ஆண்டு அக்டோபர் மாதம் ஹரியானா மாநிலம் சோனிபட் மாவட்டத்தில் உள்ள கோஹனா நகரைச் சேர்ந்த பான் கடை நடத்தி வரும் ராஜேஷ் என்பவரின் ஒரு மாத மின் கட்டணம் ரூ.132 கோடி வந்தது என்பது குறிப்பிடத்தக்கது.