விஷ்ணுபிரியாவின் வீட்டுக்கு வந்த மர்ம கடிதம்!

திருச்செங்கோட்டில் தூக்கிட்டு தற்கொலை செய்து கொண்ட விஷ்ணுபிரியா DSPயின் வீட்டுக்கு வந்துள்ள மர்ம கடிதத்தால் பரபரப்பு ஏற்பட்டுள்ளது.
திருச்செங்கோடு D.S.P. யாக பணியாற்றி வந்த விஷ்ணுபிரியா கடந்த 18 ஆம் திகதி திருச்செங்கோட்டில் அவரது குடியிருப்பில் தூக்குப்போட்டு தற்கொலை செய்து கொண்டார்.

இந்த நிலையில், வெள்ளிக்கிழமை மதியம் 2 மணி அளவில் விஷ்ணுபிரியாவின் வீட்டுக்கு சேலத்தில் இருந்து பெயர் முகவரி இல்லாத ஒரு மர்ம கடிதம் வந்தது. அதில் விஷ்ணுபிரியாவின் மரணம் குறித்து பரபரப்பான வாசகங்கள் இடம்பெற்றிருந்தன.

அந்த கடிதத்தில், ‘கோகுல்ராஜின் கொலை வழக்கில் தொடர்புடையவர் தான் விஷ்ணுபிரியாவை கொலை செய்துள்ளார். கொலை செய்தவன் கையில் மந்திரி, காவல் துறை இருக்கிறது.

உடன் பணியாற்றிய காவல் துறையை சேர்ந்தவர்கள் தான் விஷ்ணுபிரியாவை கொலை செய்து, தூக்கில் தொங்கவிட்டு இருக்க வேண்டும் (யுவராஜிக்கு சாதகமான பொலிஸ்காரர்கள்). மறுபிரேத பரிசோதனை செய்து வழக்குப்பதிவு செய்ய ஏற்பாடு செய்யுங்கள் என்று கூறப்பட்டுள்ளது.