பிரதமர் என்னை எதிர்க்கட்சி தலைவராகவே நடத்துகின்றார்: உதய கம்மன்பில

பிரதமர் ரணில் விக்ரமசிங்க தன்னை எதிர்க்கட்சி தலைவரை போன்று நடத்தும் முறையினை காண முடிகின்றதென பிவிதுரு ஹெல உருமய தலைவர் உதய கம்மன்பில தெரிவித்துள்ளார்.
நாடாளுமன்றத்தில் தான் கருத்து வெளியிடும் அனைத்து சந்தர்ப்பங்களிலும் பிரதமர் அதற்கு பதல் வழங்குவதாக அவர் குறிப்பிட்டுள்ளார்.

எப்படியிருப்பினும், நாடாளுமன்றில் புதியவரான உதய கம்மன்பில தனது முதலாவது உரையின் போது நாடாளுமன்றத்தின் நிலையியற் கட்டளைகளுக்கு மாறாக கருத்து வெளியிட்டமையினால் பிரதமர் அதற்கு எதிர்ப்பினை வெளியிட்டிருந்தார்.

அவரது அனுபவமற்ற நிலைமை காரணமாக கம்மன்பில இவ்வாறு கருத்து வெளியிட்டுள்ளதாக பிரதமர் குறிப்பிட்டுள்ளார்.

எப்படியிருப்பினும் இது தொடர்பில் உதய கம்மன்பில ஊடகவியலாளர்களிடம் கருத்து தெரிவிக்கும் போது,

பிரதமர் என்னை தொடர்ந்து இலக்கு வைத்து கொண்டுள்ளமை தெரிகின்றது. எனினும் அவரது இலக்காக இருக்க வேண்டியது எதிர்க்கட்சி தலைவர் சம்பந்தனே, தவிர உறுப்பினரான என்னை அல்ல.

எப்படியிருப்பினும் அவர் என்னை எதிர்க்கட்சி தலைவர் இடத்தில் வைத்து குற்றம் சுமத்துவதற்கு நான் அவருக்கு நன்றி தெரிவித்து கொள்கின்றேன் என அவர் மேலும் குறிப்பிட்டுள்ளார்.