யாழில் முதற்தடவையாக பாடசாலை மட்ட உதைப்பந்தாட்டச் சுற்றுப் போட்டிகள் ஆரம்பம்

2015ம் ஆண்டின் அகில இலங்கை பாடசாலைகளுக்கிடையிலான உதைப்பந்தாட்டப் போட்டி முதற்தடவையாக இம்முறை யாழ்ப்பாணத்தில் இடம்பெறுகின்றது.
கல்வி அமைச்சுடன் இணைந்து இப்போட்டிகளின் ஒழுங்குகளை மாகாண கல்வி அமைச்சு மற்றும் கல்வி அமைச்சின் இசுறுபாய ஆகியன மேற்கொண்டுள்ளன.

15 வயது பிரிவு,17 வயது பிரிவு மற்றும் 19 வயதுப் பிரிவு ஆண்,பெண் ஆகிய நான்கு குழுக்களாக இடம்பெறும் இப்போட்டிகள் யாழ்மாவட்டத்தின் ஆறு மைதானங்களில் இடம்பெற்று வருகின்றது.

இன்று யாழ் மத்திய கல்லுரி மைதானத்தில் இதன் முதற்போட்டியை வடமாகாண கல்வி பணிப்பாளர் எஸ்.உதயகுமார் ஆரம்பித்து வைத்தார்.

மொத்தமாக 108 அணிகள் இப்போட்டிகளில் மோதுகின்றன. தொடர்ந்து மூன்று நாட்கள் 19,20,21 ஆகிய திகதிகளில் நடைபெறவுள்ள இப்போட்டிகளின், இறுதிப்போட்டிகள் எதிர்வரும் 21ம் திகதி யாழ் மத்திய கல்லூரி மைதானத்திலும் சென் ஜோன்ஸ் கல்லூரி மைதானத்திலும் இடம்பெறவுள்ளதாக வடமாகாண கல்வி அமைச்சு அறிவித்துள்ளது.