விஜயகாந்த் கூட்டத்தில் பரபரப்பு: பதவியை பறித்ததால் விரக்தியில் தீக்குளித்த நபர்

கட்சியில் மீண்டும் சேர்த்து பொறுப்பு தராததால், தே.மு.தி.க.வில் இருந்து நீக்கப்பட்ட நபர் விஜயகாந்த் முன்னிலையில் தீக்குளித்த சம்பவம் பரபரப்பை ஏற்படுத்தியுள்ளது.
பழனியில் நடைபெற்ற பொதுக்கூட்டத்தில் விஜயகாந்த் மற்றும் பிரேமலதா ஆகியோர் கலந்து கொண்டனர்.

கூட்டத்தில் விஜயகாந்த் பேசிக்கொண்டிருக்கும்போது தொண்டர் ஒருவர் மேடையின் முன்பு திடீரென தீக்குளித்து தற்கொலைக்கு முயன்றார்.

இதனால் அதிர்ச்சியடைந்த விஜயகாந்த் பேச்சை பாதியில் முடித்துக்கொள்ள வேண்டிய சூழல் ஏற்பட்டது.

இதனிடையே தீக்குளித்த நபர் சிறு வயதில் இருந்தே விஜயகாந்த் ரசிகர் எனவும், திண்டுக்கலில் 5-வது வார்டு செயலாளராகவும் இருந்து வந்தார் என்று தெரிய வந்தது.

சில மாதங்களுக்கு முன் திண்டுக்கல் கிழக்கு மாவட்ட செயலாளர் ரவிக்குமாருக்கும் இவருக்குமிடையே உட்கட்சித் தகராறு இருந்ததாகவும்

அதனால் இவரை கட்சியை விட்டு நீக்கியதாகவும் கூறப்படுகிறது.

இதனால் மனமுடைந்த அவர் விரக்தியில் விஜயகாந்த் கூட்டத்தின்போது தீக்குளித்துள்ளதாக கூறப்படுகிறது.

இது குறித்து திண்டுக்கல் கிழக்கு மாவட்ட செயலாளர் ரவிக்குமார் கூறுகையில்,

கஜேந்திரபிரபு தி.மு.க., அ.தி.மு.க. என கட்சி மாறி சென்று மீண்டும் திரும்பி வந்ததால் கட்சியில் அவருக்கு பொறுப்பு வழங்கப்படாமல் இருந்ததாகவும்,

இந்நிலையில் அவர் தீக்குளித்த சம்பவம் அதிர்ச்சியை ஏற்படுத்தியுள்ளதாகவும் தெரிவித்தார்.