குடி பழக்கத்தில் இருந்து காப்பாற்றும் அதிசய கோவில்

கடலூரில் உள்ள ஒரு கோவிலில் போய் ’’குடி’மகன்கள் சத்தியம் செய்தால் அவர்கள் குடிப்பழக்கத்தில் இருந்து நாளாடைவில் மீளும் சம்பவம் ஆச்சரியத்தை ஏற்படுத்தியுள்ளது.
மதுவில் பிடியில் சிக்கி ஏராளமானோர் தங்கள் வாழ்வை தொலைத்து வருகின்றனர்.

ஆண்கள் மட்டுமில்லாமல் பெண்கள், சிறுவர்கள் என்று பலரும் இதற்கு அடிமையாகி அவதிப்பட்டு வருகின்றனர்.

இதன் காரணமாக தமிழ்நாட்டில் மதுவுக்கு எதிரான போராட்டங்கள் தீவிரமடைந்து வருகின்றன.

இந்நிலையில் கடலூர் மாவட்டம் பண்ருட்டி அருகில் உள்ள கொஞ்சிகுப்பம் அய்யனாரப்பன் கோவிலுக்கு சென்றால் வழிப்பட்டால் மது பழக்கத்தில் இருந்து மீளலாம் என்று அப்பகுதி மக்கள் கூறுகின்றனர்.

மேலும் அங்குள்ள அய்யனார் முன்னிலையில் கற்பூரம் அணைத்து சத்தியம் செய்து கையில் கயிறு கட்டி சென்றால் குடிப்பழக்கம் மறந்து போகும் என்றும் தெரிவிக்கின்றனர்.

இந்த கோவிலுக்கு சென்று வந்த பின் குடியை நிறுத்திவிட்டதாக பலரும் பெருமிதத்துடன் கூறுவருகின்றனர். இதன் காரணமாக இக்கோவிலுக்கு ஏராளமான பக்தர்கள் தினமும் வருவதாக கூறப்படுகிறது.