முன்னாள் பிரதி அமைச்சர் சரண குணவர்தனவின் விளக்கமறியல் நீடிப்பு

முன்னாள் பிரதி அமைச்சர் சரண குணவர்தனவின் விளக்கமறியல் எதிர்வரும் செப்டம்பர் 09 வரை நீடிக்கப்பட்டுள்ளதாக இன்று கம்பஹா நீதவான் டிக்கிரி ஜயதிலக்க அறிவித்தார்.
ஆகஸ்ட் மாதம் 14 ஆம் திகதி கம்பஹா நகரில் வைத்து நபர் ஒருவரை தாக்கிய குற்றச்சாட்டில் சரண குணவர்தன மற்றும் மேலும் மூன்று சந்தேக நபர்கள் பொலிஸாரால் ஆகஸ்ட் 24 ஆம் திகதி கைது செய்யப்பட்டிருந்தனர்.

தற்போது, றாகம வைத்தியசாலையில் அனுமதிக்கப்பட்டுள்ள இவரை நீதிமன்றத்திடம் ஆஜர்படுத்த முடியாது என கம்பஹா நீதவான் டிக்கிரி ஜயதிலக்கவிடம், சிறை அதிகாரிகள் தெரிவித்துள்ளனர்.

மருத்துவமனையின் சட்ட வைத்திய அதிகாரி, சரண குணவர்தனவின் மருத்துவமனை அறி்க்கையினை விரைவில் சமர்பிப்பதாக இதன்போது தெரிவித்தார்.