ஓடும் பேருந்துக்குள் சிறுமி பலாத்காரம் செய்த ஓட்டுனர் மற்றும் கிளீனர்: தொடரும் பயங்கரம்

அசாம் மாநிலத்தில் ஓடும் பேருந்துக்குள் ஓட்டுனர் மற்றும் கிளீனர் சிறுமி ஒருவரை பலாத்காரம் செய்த சம்பவம் பெரும் அதிர்ச்சியை ஏற்படுத்தியுள்ளது.
சோமிட்பூர் மாவட்டத்தில் உள்ள டோய்மாரி கிராமத்தைச் சேர்ந்த சிறுமி கவுகாத்தியில் வீட்டுவேலை செய்து வந்தார்.

கடந்த ஞாயிற்றுக்கிழமை பிற்பகல் உறவினரை சந்திப்பதற்காக தேஜ்பூரில் இருந்து கோரேஸ்வர் செல்லும் ஒரு தனியார் பேருந்தில் சென்றுள்ளார்.

பேருந்தில் இருந்த அனைவரும் இறங்கிச் சென்றபிறகு அந்த சிறுமி மட்டும் தனியாக அமர்ந்திருக்க, தனிமையான ஒரு பகுதிக்கு சென்ற ஓட்டுனர் மற்றும் கிளீனர் சிறுமியை பலாத்காரம் செய்துள்ளனர்.

பின்னர் திங்கட்கிழமையன்று அவர்கள் அயர்ந்திருந்த நேரத்தில், அந்த சிறுமி அருகில் இருந்த ஆதிவாசி மக்கள் வாழும் கிராமத்திற்கு ஓடிச் சென்று நடந்தவற்றை கூறியுள்ளார்.

இதையடுத்து அந்த கிராம மக்கள் அளித்த புகாரின் அடிப்படையில் வழக்குப்பதிவு செய்த பொலிசார், சிறுமியை மருத்துவ பரிசோதனைக்கு அனுப்பிவைத்துள்ளனர்.

மேலும் தலைமறைவான இருவரையும் கைது செய்ய தேடுதல் வேட்டையை தீவிரப்படுத்தியுள்ளனர்.