டெல்லி பலாத்காரம்: ”உபேர் டாக்ஸி” ஓட்டுனர் குற்றவாளி என நிரூபணம்

டெல்லியில் இளம்பெண்ணை பலாத்காரம் செய்த வழக்கில் கைது செய்யப்பட்ட ”உபேர் டாக்ஸி” ஓட்டுனர், குற்றவாளி தான் என்று டெல்லி நீதிமன்றம் தெரிவித்துள்ளது.
டெல்லியில் 25 வயது இளம்பெண் ஒருவர் கடந்த ஆண்டு ”உபேர் டாக்ஸி” ஓட்டுனர் சிவ் குமார் யாதவால் பாலியல் பலாத்காரம் செய்யப்பட்டார்.

இதையடுத்து யாதவ் கைது செய்யப்பட்டதோடு, டெல்லியில் உபேர் டாக்சிகளுக்கு மத்திய அரசு தடை விதித்து உத்தரவிட்டிருந்தது.

கடந்த சனவரி மாதம் 15ம் திகதி முதல் நடந்துவரும் இந்த வழக்கு விசாரணையில், யாதவ் குற்றவாளி என்று நிரூபிக்கப்பட்டுள்ளதாக இன்று டெல்லி நீதிமன்றம் தெரிவித்துள்ளது.

அவருக்கு இந்த வழக்கில் தண்டனை, வரும் 23ம் திகதி அறிவிக்கப்படும் என நீதிமன்றம் தெரிவித்துள்ளது.

மேலும், இந்த வழக்கில் சிவ் குமார் யாதவிற்கு ஆயுள் தண்டனை வழங்கப்பட வாய்ப்புள்ளதாக கூறப்படுகிறது.