சுதந்திரக் கட்சியுடன் ஊடாக தேர்தலில் போட்டியிட போவதில்லை!– உதய கம்மன்பில

இனிவரும் காலங்களில் ஶ்ரீலங்கா சுதந்திரக் கட்சியின் ஊடாக தேர்தலில் போட்டியிட போவதில்லை என அதற்கு மாற்று வழியை கட்டியெழுப்ப தயார் எனவும் பிவித்துரு ஹெல உறுமய கட்சியின் பொதுச் செயலாளர் உதய கம்மன்பில தெரிவித்துள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

முன்னாள் ஜனாதிபதி மகிந்த ராஜபக்ச காரணமாக இம்முறை பொதுத் தேர்தலில் ஐக்கிய மக்கள் சுதந்திர முன்னணிக்கு மக்கள் வாக்களித்துள்ளனர்.

வேட்பாளர்களுக்கு வழங்கப்பட்டுள்ள விருப்பு வாக்குகள் இதனை உறுதிப்படுத்தியுள்ளது.

எவ்வாறாயினும் வெற்றிலைக்கு வாக்களித்த மக்களின் நிலைப்பாடுகளுக்கு அமைய எதிர்க்கட்சியில் இருந்து செயற்பட போவதாகவும் உதய கம்மன்பில குறிப்பிட்டுள்ளார்.