பெற்றோர் கண்முன் 15 வயது சிறுமியை பலாத்காரம் செய்த கும்பல்: உ.பி-யில் கொடூரம்

உத்தர பிரதேசத்தில் பெற்றோர் கண்முன் 15 வயது சிறுமியை 6 பேர் கொண்ட கும்பல் பலாத்காரம் செய்த சம்பவம் பெரும் அதிர்ச்சியை ஏற்படுத்தியுள்ளது.
உத்தர பிரதேசத்தில் கன்னாஜ் மாவட்டத்தில் நடந்த சம்பவம் பற்றி பாதிக்கப்பட்ட சிறுமியின் தாயார் கூறுகையில், எங்கள் வீட்டில் அத்துமீறி நுழைந்த 6 பேர், பணம் மற்றும் நகையைக் கேட்டு மிரட்டினர்.

மேலும் மாமியார் மற்றும் ஒரு வயதுக் குழந்தையை கட்டிப்போட்டு அடித்ததுடன், எங்கள் கண் முன்பாகவே 15 வயது மகளை 6 பேர் சேர்ந்து பலாத்காரம் செய்தனர்.

அவளை விட்டு விடும்படி நாங்கள் கதறி அழுதும் பயனில்லை என்று தெரிவித்துள்ளார்.

மேலும், அந்த சிறுமி தற்போது ஆபத்தான நிலையில் அரசு மருத்துவமனையில் சிகிச்சை பெற்று வருகிறார்.