சென்னையில் இருந்து கருத்தடை மாத்திரைகளை கடத்தியவர் கைது

இந்தியாவின் சென்னை நகரில் இருந்து கருத்தடை மாத்திரைகள் மற்றும் மனநோயாளர்களுக்கு வழங்கப்படும் மாத்திரைகளுடன் ஒருவர் கட்டுநாயக்க விமான நிலையத்தில் கைது செய்யப்பட்டுள்ளார்.
சந்தேகநபர் இன்று காலை கைது செய்யப்பட்டுள்ளதாகவும் அவர் கல்முனையை சேர்ந்த 44 வயதான நபர் எனவும் சுங்க திணைக்களத்தின் பேச்சாளர் லெஸ்லி காமினி தெரிவித்துள்ளார்.

சந்தேக நபரின் பயண பொதியில் இருந்து 6 ஆயிரத்து 800 கருத்தடை மாத்திரைகளும் ஒரு லட்சத்து 64 ஆயிரத்து 465 மனநோயாளிகளுக்கு வழங்கும் மாத்திரைகளும் கைப்பற்றப்பட்டுள்ளன.

இதன் பெறுமதி சுமார் ஒரு கோடியே 33 லட்சம் என மதிப்பிடப்பட்டுள்ளது.

இந்த சம்பவம் குறித்து சுங்க அதிகாரிகள் மேலதிக விசாரணைகளை மேற்கொண்டு வருகின்றனர்.