சௌமின் (பேச்சுலர்ஸ்)

சைனீஸ் நூடுல்ஸ்- ஒரு கப்
வெங்காயம்-2
தக்காளி-4
கறிவேப்பிலை- ஒரு கொத்து
பச்சைமிளகாய்-1
முட்டை-2
உப்பு-தேவைக்கு
எண்ணெய்-தாளிக்க
சாஸ் வகைகள்
தக்காளி சாஸ்-5 ஸ்பூன்
சோயா சாஸ்-1 ஸ்பூன்
ரெட் சில்லி சாஸ்- 2 ஸ்பூன்
க்ரீன் சில்லி சாஸ்-2 ஸ்பூன்


நூடுல்ஸை சுடுநீரில் போட்டு ஒரு நிமிடத்திலேயே எடுத்து குளிர்ந்த நீரில் கழுவி வடிகட்டவும். 2 ஸ்பூன் எண்ணெய்யை தூவி எல்லா இடங்களிலும் பரப்பவும்(ஒன்றோடொன்று ஒட்டாமல் வரும்)
முட்டையை உப்பு சேர்த்து வதக்கி எடுத்து வைக்கவும்.
கடாயில் எண்ணெய் விட்டு கறிவேப்பிலை, பச்சைமிளகாய் சேர்த்து வதக்கியதும் வெங்காயம் உப்பு சேர்க்கவும்.
பொன்னிறமானதும் தக்காளி மற்றும் சாஸ் வகைகளை சேர்த்து தக்காளி குழையும் வரை வதக்கவும். இது க்ரேவி பதத்தில் வரும்.
பின்னர் நூடுல்ஸூம், முட்டையும் சேர்த்து 2 நிமிடங்கள் வதக்கி இறக்கவும்.