கொத்தமல்லி சப்பாத்தி - 2

by oviya Sun Aug 09, 2015 6:55 am

1. கோதுமை மாவு
2. கொத்தமல்லி இலை - 1 கட்டு
3. பச்சை மிளகாய் - 1
4. கடலை மாவு - 1 மேஜைக்கரண்டி
5. உப்பு
6. எண்ணெய்
7. நெய்
8. தனியா - 1 மேஜைக்கரண்டி
9. சீரகம் - 1 தேக்கரண்டி

கோதுமை மாவை உப்பு சேர்த்து வழக்கம் போல் சப்பாத்தி மாவு பதத்தில் தயார் செய்யவும்.
கொத்தமல்லி இலையை சுத்தம் செய்து எடுக்கவும்.
கடாயில் எண்ணெய் விட்டு சீரகம், தனியா வறுத்து பொடிக்கவும்.
சுத்தம் செய்த மல்லி இலையுடன் பொடி, பொடியாக நறுக்கிய பச்சை மிளகாய், கடலை மாவு சிறுது உப்பு சேர்த்து கலந்து வைக்கவும். இலையில் உள்ள நீரே போதுமானது.
கோதுமை மாவை தேய்த்து அதில் கொத்தமல்லி கலவை வைத்து மூடி மீண்டும் சப்பாத்தியாக தேய்த்து கல்லில் போடவும்.
இரண்டு பக்கமும் ஒரு முறை திருப்பி போட்ட பின் தேக்கரண்டியால் நெய் தேய்த்து விட்டு நன்றாக வெந்ததும் எடுக்கவும்.