குருணாகலில் மஹிந்தவை தவிர ஏனையோரை புகழ்வதற்கு தடை

குருணாகல் முன்னணி தேர்தல் பிரச்சார கூட்டத்தில் மஹிந்த ராஜபக்சவை தவிர ஏனைய வேட்பாளர்களை புகழ்வதற்கு தடை விதிக்கப்பட்டுள்ளதாக சமீபத்தில் இடம்பெற்ற கூட்டத்தில் ஏற்பட்ட மோதலின்  மூலம் வெளியாகியுள்ளது.
குருணாகல், விலேகொட பிரதேசத்தில் அமைந்துள்ள ஜொன்ஸ்டன் பெர்ணான்டோவின் வீட்டில் இடம்பெற்ற கூட்டத்தில் கண்டியில் இருந்து வந்த மந்திலக்க ஜொன்ஸ்டனின் சிறப்பு பற்றி கூறியமையினாலே இம்மோதல் ஏற்பட்டுள்ளது.

மந்திலக்க என்பவரின் உரைக்கு எதிர்ப்பு தெரிவித்த ஏனைய உறுப்பினர்கள், மஹிந்த ராஜபக்சவை தவிர ஏனையோர்களை புகழ்வதற்கு அனுமதி வழங்காமல் இருப்பதற்கு ஏற்கனவே இணக்கம் வெளியிடப்பட்டுள்ளதாக குறிப்பிட்டுள்ளார்கள்.

இவ் எதிர்ப்பு காரணமாக அவரது உரையினை இடைநிறுத்தி மன்னிப்பு கேட்டுக்கொண்டுள்ளார்.

நாடாளுமன்ற தேர்தலில் அதிக வாக்குகளை பெற்றுக்கொண்ட ஜொன்ஸ்டன் பெர்ணான்டோ மற்றும் மாகாண சபை தேர்தலில் அதிக வாக்குகளை பெற்றுக்கொண்ட தயாசிறி, மஹிந்த ராஜபக்சவுக்கு போட்டியாக அமைந்து விடக்கூடாதென்பதற்காகவே இத்தீர்மானம் மேற்கொள்ளப்பட்டுள்ளதாக கூறப்படுகின்றது.