மைக்ரோவேவ் சிக்கன் கிரேவி

கோழி (துண்டுகள்) - 250 கிராம்
வெங்காயம் (அரைத்த விழுது) - 2
தக்காளி (அரைத்த விழுது) - ஒன்று
மிளகுத்தூள் - தேவையான அளவு
மல்லி(தனியா)தூள் - அரை தேக்கரண்டி
மஞ்சள்தூள் - கால் தேக்கரண்டி
பால் - (1 - 2) கப்
தயிர் - ஒரு தேக்கரண்டி
எண்ணெய் - 2 மேசைக்கரண்டி
இஞ்சி (அரைத்த விழுது) - கால் மேசைக்கரண்டி
உள்ளி(பூண்டு) (அரைத்த விழுது) - கால் மேசைக்கரண்டி
உப்பு - தேவையான அளவு


ஒரு பாத்திரத்தில் கோழி(துண்டுகள்), உப்பு, மஞ்சள் தூள், இஞ்சிவிழுது, உள்ளி(பூண்டு)விழுது ஆகியவற்றை கலந்து தயிர் சேர்த்து இறுக்கமான மூடி போட்டு மூடி மைக்ரோவேவ் அவனில் 5 நிமிடங்கள் ஹையில் அவிக்கவும்.
பிறகு அந்த பாத்திரத்தை திறந்து மிளகுத்தூள், மல்லித்தூள்(தனியாத்தூள்), தக்காளி(அரைத்தவிழுது), வெங்காயம்(அரைத்தவிழுது), பால் சேர்த்து மூடி 3 நிமிடங்கள் ஹையில் வைக்கவும்.
பிறகு மைக்ரோவேவ் அவனில் இருந்து வெளியில் எடுத்து மூடியை திறந்து விட்டு திருப்பி மைக்ரோவேவ் அவனில் 3 நிமிடங்கள் மீடியம் ஹையில் வைக்கவும்.
பிறகு மைக்ரோவேவ் அவனை நிறுத்தி விட்டு பாத்திரத்தை 2 நிமிடங்கள் மைக்ரோவேவ் அவனில் அப்படியே வைக்கவும்.
பின்பு சுவையான மைக்ரோவேவ் சிக்கன் கிரேவி தயாராகி விடும்.