தக்காளி கொஸ்து

தக்காளி - 5
பெரிய வெங்காயம் - 3
பச்சை மிளகாய் - 2
உப்பு - தேவைக்கு
மிளகாய் தூள் - அரை தேக்கரண்டி
மஞ்சள் தூள் - கால் தேக்கரண்டி
தாளிக்க :
கடுகு - ஒரு தேக்கரண்டி
உளுத்தம் பருப்பு - ஒரு தேக்கரண்டி
வரமிளகாய் - 4
கறிவேப்பிலை - ஒரு கொத்து
எண்ணெய் - ஒரு குழிக்கரண்டி



முதலில் தேவையானவைகளை எடுத்து வைக்கவும்.


வெங்காயம், தக்காளி, பச்சைமிளகாய், கறிவேப்பிலை ஆகியவற்றை பொடியாக நறுக்கவும்.


வாணலியில் எண்ணெய் ஊற்றி சூடானதும் கடுகு, உளுத்தம் பருப்பு, மிளகாய், கறிவேப்பிலை போட்டு தாளிக்கவும்.


அதனுடன் நறுக்கின வெங்காயம் சேர்த்து பொன்னிறமாகும் வரை வதக்கவும்.


பின்னர் தக்காளி, மிளகாய் தூள், மஞ்சள் தூள், உப்பு சேர்த்து தக்காளி நன்கு கரையும் வரை வதக்கவும்.


வதங்கியதும் அதில் நான்கு டம்ளர் தண்ணிர் சேர்த்து கொதிக்க விடவும். நல்லா பச்சை வாசம் போய் தல தலன்னு வரும் போது இறக்கவும்.


சுவையான தக்காளி கொஸ்து ரெடி. இது இட்லி, தோசை, சப்பாத்திக்கு ரொம்ப அருமையா இருக்கும்.