நிதி மோசடிக்கு எதிரான பொலிஸ் பிரிவின் விசாரணைகள் தொடரும்: ரணில் அறிவிப்பு

by oviya Tue Jul 28, 2015 1:26 pm

நிதி மோசடி தவிர்ப்பு பொலிஸ் பிரிவின் விசாரணைகள் தொடரும் என்று பிரதமர் ரணில் விக்ரமசிங்க தெரிவித்துள்ளார்.
இந்த பிரிவினால் தற்போது 20 உயர்நிலை அரசியல்வாதிகள் தொடர்பிலான விசாரணைகள் முன்னெடுக்கப்படுகின்றன.

இந்தநிலையில் எதிர்வரும் செப்டெம்பர் மாதம் புதிய நாடாளுமன்றம் அமைக்கப்பட்ட பின்னர் இந்த விசாரணைகள் முன்னெடுக்கப்படும் என்று ரணில் விக்ரமசிங்க குறிப்பிட்டுள்ளார்.

குற்றமிழைத்த அரசியல்வாதிகளுக்கு எதிராக தேர்தல் காலத்தில் நடவடிக்கைகளை எடுக்க முடியாத நிலை உள்ளதாகவும் அவர் தெரிவித்துள்ளார்.

இதேவேளை நல்லாட்சிக்காக ஐக்கிய தேசிய முன்னணி அரசாங்கத்தின் கீழ் சுதந்திர ஊடக முறை முன்னெடுக்கப்படும் என்றும் ரணில் விக்ரமசிங்க குறிப்பிட்டுள்ளார்.