வெளிநாடுகளுக்கு இடம் பெயர்ந்த 61,000 இந்திய கோடீஸ்வரர்கள்: அதிர்ச்சி தகவல்

இந்தியாவில் இருந்து கடந்த 14 ஆண்டுகளில் 61,000 கோடீஸ்வரர்கள் வெளிநாடுகளுக்கு இடம் பெயர்ந்துள்ளதாக தெரியவந்துள்ளது.
ஒவ்வொரு நாட்டை சேர்ந்தவர்களும் வேறொரு நாட்டில் இரண்டாவது குடியுரிமை கேட்டு வந்த விண்ணப்பங்களின் எண்ணிக்கை அதிகரிப்பு குறித்து இரண்டு அமைப்புகள் ஆய்வு செய்தன.

கடந்த 2000ம் ஆண்டில் இருந்து 2014 வரை இந்த ஆய்வுக்கு எடுத்துக்கொள்ளப்பட்டது.

இதில், கடந்த 14 ஆண்டுகளில் 61,000 கோடீஸ்வரர்கள் இந்தியாவில் இருந்து வெளிநாடுகளுக்கு இடம் பெயர்ந்து நிரந்தரமாக வசித்து வருகின்றனர்.

இவர்களில் அதிகம்பேர் ஐக்கிய அரபு நாடுகள், லண்டன், அமெரிக்கா, ஆஸ்திரேலியா நாடுகளுக்கு சென்றுள்ளதாக அந்த ஆய்வு தெரிவித்துள்ளது.

இவர்களில் சிலர் இரட்டை குடியுரிமையும் பெற்றுள்ளனர். அதிகபட்சமாக சீனாவில் இருந்து 91,000 கோடிஸ்வரர்கள் வெளியேறியுள்ளனர்.

சொந்த நாட்டில் இருந்து கோடீஸ்வரர்களில் பெரும்பாலானோர் குழந்தைகளின் மேற்படிப்பு, பாதுகாப்பு, வரிவிதிப்பு காரணங்களால் வெளியேறியதாக இந்த ஆய்வு தெரிவிக்கிறது.