லசந்தவை கொலை செய்தது யார் என கூறும் உதய கம்மன்பில

சிரேஷ்ட ஊடகவியலாளரான லசந்த விக்ரமதுங்கவை கொலை செய்தது மற்றும் பிரதிப் எக்னெலிகொட காணாமல் போனதற்கு காரணமானவர் யார் என்பது குறித்த தனக்கு தெரியும் என பிவிதுரு ஹெல உறுமய கட்சி தலைவர் உதய கம்மன்பில தெரிவித்துள்ளார்.
கொழும்பில் இன்று இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார். தொடர்ந்து கருத்து வெளியிட்டவர்,

நல்லாட்சி அரசாங்கத்தின் பங்குதாரரே லசந்த விக்ரமதுங்கவை கொலை செய்தது மற்றும் பிரதிப் எக்னெலிகொட காணாமல் போனதற்கு காரணமானவர்.

இந்த ஊடகவியலாளர்களின் கொலை மற்றும் காணாமல் போன சம்பவம் தொடர்பில் மறைந்திருக்கும் உண்மைகளை நான் அம்பலப்படுத்த தயார் என ஊடகவியலாளர்கள் முன் கூற விரும்புகின்றேன்.

ஐக்கிய மக்கள் சுதந்திர முன்னணி அரசாங்கத்தை அமைத்த பின்னர் இக்கொலையினை செய்தவர் யார் என அம்பலப்படுத்துவேன் என அவர் மேலும் குறிப்பிட்டுள்ளார்.