தேர்தல் கண்காணிப்பில் மூன்று வெளிநாட்டு அமைப்புகள்

எதிர்வரும் பொதுத் தேர்தல் தொடர்பான கண்காணிப்பு பணிகளில் மூன்று வெளிநாட்டு கண்காணிப்பு அமைப்புகள் ஈடுபடவுள்ளன.
ஐரோப்பிய ஒன்றியம் தேர்தல் கண்காணிப்பு அமைப்பு, பொதுநலவாய நாடுகளின் தேர்தல் கண்காணிப்பு அமைப்பு மற்றும் தெற்காசிய நாடுகளின் தேர்தல் கண்காணிப்பு அமைப்பு என்பவற்றின் பிரதிநிதிகள் இத்தேர்தல் கண்காணிப்பில் ஈடுபடவுள்ளன.

தேர்தல் கண்காணிப்பு பணிகளில் 110 வெளிநாட்டு கண்காணிப்பாளர்கள் ஈடுபடவுள்ளதாக தேர்தல் செயலகம் அறிவித்துள்ளது.

தேர்தல் கண்காணிப்பில் ஈடுபடும் ஐரோப்பிய ஒன்றிய பிரதிநிதிகள் நாளை இலங்கை வரவுள்ளதுடன் செவ்வாய் கிழமை முதல் கண்காணிப்புகளில் ஈடுபடவுள்ளனர்.

ஐரோப்பிய ஒன்றிய நாடாளுமன்ற பிரதிநிதி கிறிஸ்டியன் பிரோடா தலைமையில் ஒன்றிய கண்காணிப்பாளர்கள் பணிகளில் ஈடுபடவுள்ளனர்.