நல்லாட்சிக்கான ஐக்கிய தேசிய முன்னணியில் சந்திரிகாவும் இணைவார்?

இலங்கையின் அரசியலில் புதிதாக தோற்றுவிக்கப்பட்டுள்ள நல்லாட்சிக்கான ஐக்கிய தேசிய முன்னணியில் முன்னாள் ஜனாதிபதி சந்திரிக்காவும் இணைவார் என்று எதிர்பார்க்கப்பபடுகிறது
ஐக்கிய மக்கள் சுதந்திரக் கூட்டமைப்பின் வேட்புமனு மஹிந்த ராஜபக்சவுக்கு வழங்கப்பட்டமையை அடுத்து சந்திரிக்கா லண்டன் புறப்பட்டு சென்றார்.

எனினும் அவர் தமது குடும்ப அலுவல் நிமித்தமே சென்றதாக தெரிவிக்கப்பட்டிருந்தது.

இந்தநிலையில் அவர் எதிர்வரும் 19ஆம் திகதியன்று அவர் நாடு திரும்புவார் என்று எதிர்பார்க்கப்படுவதாக சந்திரிகாவின் பிரத்யேக செயலாளர் பி திஸநாயக்க தெரிவித்துள்ளார்.

இதனையடுத்து அவர், நல்லாட்சிக்கான ஐக்கிய தேசிய முன்னணிக்கு ஆதரவை வெளியிடுவார் என்றும் எதிர்வரும் பொதுத்தேர்தலில் கம்பஹாவில் போட்டியிடும் அர்ஜூன ரணதுங்கவின் வெற்றிக்கு துணையாக இருப்பார் என்றும் தெரிவிக்கப்பட்டுள்ளது.