கூட்டணியில் போட்டியிடும் அனைவரும் தகுதியற்றவர்கள்: அர்ஜுன

இம்முறை பொதுத் தேர்தலுக்கு ஐக்கிய மக்கள் சுதந்திர கூட்டணியில் தகுதியற்றவர்களே போட்டியிடுவதாக இம்முறை யானை சின்னத்தில் கம்பஹா மாவட்டத்தில் போட்டியிடும் அமைச்சர் அர்ஜுன ரணதுங்க தெரிவித்துள்ளார்.
நேற்று மாத்தறை பிரதேசத்தில் இடம்பெற்ற கூட்டம் ஒன்றில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

கம்பஹா மாவட்ட வேட்பு மனு மாற்றமடைந்தமை தொடர்பில் அமைச்சர் அர்ஜுன ரணதுங்க இதன் போதும் கருத்து வெளியிட்டுள்ளார்.

முதலில் படித்த, புத்திசாலியானவர்கள் அடங்கிய வேட்புமனு பட்டியலை தயாரித்ததாகவும், சுசில் பிரேமஜயந்த அதனை மெதமுல்லைக்கு கொண்டு சென்று மோசடிகாரர்களை உள்ளடக்கியதாக அவர் மேலும் குறிப்பிட்டுள்ளார்.