முன்னாள் நாடாளுமன்ற உறுப்பினர் தேனுக விதானகமகேவுக்கு விளக்கமறியல்

ஐக்கிய மக்கள் சுதந்திரக் கூட்டமைப்பின் முன்னாள் நாடாளுமன்ற உறுப்பினர் தேனுக விதானகமகே விளக்கமறியலில் வைக்கப்பட்டுள்ளார்.
தேனுக விதானகமகே உள்ளிட்ட இருவர் சட்டத்தரணி மூலம் நீதிமன்றத்தில் சரணடைந்ததை அடுத்து இவர்களை எதிர்வரும் 14ம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளதாக பொலிஸ் ஊடகப் பிரிவு தெரிவித்துள்ளது.

கடந்த ஊவா மாகாண சபைத் தேர்தல் காலப் பகுதியில், மஹியங்கனை நகரில், பிரச்சார நடவடிக்கைகளில் ஈடுபட்டிருந்தவர்கள் மீது தாக்குதல் மேற்கொண்டதாக முன்னாள் நாடாளுமன்ற உறுப்பினர் தேனுக விதானகமகே உள்ளிட்ட குழுவினர் மீது குற்றம் சுமத்தப்பட்டிருந்தது.

எனினும் இச்சம்பவம் தொடர்பில் ஏற்கனவே குற்றம் சாட்டப்பட்டு கைதுசெய்யப்பட்ட நால்வர் , நீதிமன்றத்தில் ஆஜர்படுத்தப்பட்டு பின்னர் விளக்கமறியலில் வைக்கப்பட்டிருந்தனர் என்பதும் குறிப்பிடத்தக்கது.