கோவக்காய் பொரியல்

கோவக்காய் - கால் கிலோ
மிளகாய் தூள் - தேவையான அளவு
தனியா தூள் - தேவையான அளவு
தக்காளி - 5 (பழுத்தது)
வெங்காயம் - இரண்டு
உப்பு - தேவையான அளவு
கடுகு, எண்ணெய், உளுந்து - தாளிக்க



கோவக்காய், தக்காளி, வெங்காயம் என்று அனைத்து பொருட்களையும் தயாராக எடுத்து வைத்துக் கொள்ளவும்.


கோவக்காயை வட்ட வட்டமாக நறுக்கி குக்கரில் போட்டு 2 விசில் வரும் வரை வைத்து வேக வைக்கவும். வெங்காயம் மற்றும் தக்காளியை பொடியாக நறுக்கி வைத்துக் கொள்ளவும்.


வாணலியில் எண்ணெய் ஊற்றி காய்ந்ததும் கடுகு, உளுந்து போட்டு தாளிக்கவும்.


பின்னர் நறுக்கின வெங்காயத்தை போட்டு பொன்னிறமாக வதக்கவும். பிறகு தக்காளியை சேர்க்கவும். தக்காளி ஓரளவுக்கு வெந்தவுடன் மேலே கொடுத்துள்ள எல்லா தூள்களையும் சேர்க்கவும். தேவையான அளவு உப்பும் சேர்த்து கிளறவும்.


தூள்கள் நன்றாக கலந்ததும் வேக வைத்த கோவக்காயை போட்டு கால் டம்ளர் தண்ணீர் மட்டும் விட்டு தண்ணீர் வற்றி நல்ல கிரேவி கிடைக்கும் வரை லேசாக கிளறி விடவும்.


சுவையான கோவக்காய் பொரியல் ரெடி.

கோவக்காய் கிடைக்காதவர்கள் கோவக்காய்க்கு பதில், முருங்கைக்காய் அல்லது பாகற்காயும் சேர்த்து செய்யலாம். முருங்கை மற்றும் பாகற்காயையும் இதே போல குக்கரில் இரண்டு விசில் விட்டு வேக வைத்து செய்தால் சுவை நன்றாக இருக்கும்.