விமானப்படைத் தளபதியாக ககன புளத்சிங்கள நியமனம்! ஜனாதிபதி நியமன கடிதம் கையளிப்பு

விமானப்படையின் தளபதியாக ககன புளத்சிங்கள நியமிக்கப்பட்டுள்ளார்.
எயார் வைஸ் மார்ஸல் ககன புளத்சிங்களவை, ஜனாதிபதி மைத்திரிபால சிறிசேன விமானப்படைத் தளபதியாக நியமித்துள்ளார்.

இதுவரை காலமும் விமானப் படைத் தளபதியாக கடமையாற்றிய கோலித குணதிலக்க, கடந்த 11ம் திகதி இராணுவப் படைகளின் கூட்டுத் தளபதியாக பதவிப் பிரமாணம் செய்து கொண்டார்.

இதன் காரணமாக ஏற்பட்ட வெற்றிடத்திற்கு ககன புளத்சிங்கள நியமிக்கப்பட்டுள்ளார்.

எயார் வைஸ் மார்ஸல் ககன் குணதிலக்க, விமானப்படையில் இடம்பெற்ற பாரிய மோசடிகளுடன் தொடர்புபட்டிருப்பதாக குற்றம் சுமத்தப்பட்டுள்ளமை குறிப்பிடத்தக்கது.

இதேவேளை, புதிதாக நியமிக்கப்பட்ட பாதுகாப்பு படைகளின் பிரதானி எயார் சீப் மார்ஷல் கோலித குணதிலக மற்றும் புதிய விமானப்படை தளபதி எயார் மார்ஷல் ககன புளத்சிங்கள ஆகியோர் இன்று ஜனாதிபதி மைத்திரிபால சிறிசேனவிடம் இருந்து நியமனம் கடிதங்களைப் பெற்றுக் கொண்டனர்.