தற்போது நாட்டின் நெருக்கடிக்கு சந்திரிக்காவே பொறுப்பு!- சிங்களயே ஜாதிக பெரமுன

நாட்டின் தேசிய பாதுகாப்பு தற்போது பாரதூரமான நெருக்கடி நிலைக்கு உள்ளாகி இருப்பதாக சிங்களே ஜாதிக பெரமுன என்ற அமைப்பின் தேசிய அமைப்பாளர் அங்குலுகல்லே சிறி ஜீனானந்த தேரர் தெரிவித்துள்ளார்.
நாட்டின் தற்போதைய பிரதமர் விடுதலைப் புலிகள் அமைப்புக்கு ஆதரவான தோற்றத்தில் செயற்பட்டு வருகிறார்.

வடக்கு மாகாணத்தில் யுத்த ரீதியான விடுதலைப் புலிகளின் நினைவு கூரல்கள் நடத்தப்படுவதுடன் அவற்றுக்கு எதிராக பாதுகாப்பு தரப்பினர் இதுவரை எவ்விதமான நடவடிக்கைகளையும் எடுக்கவில்லை.

அத்துடன் முன்னாள் ஜனாதிபதி சந்திரிக்கா பண்டாரநாயக்க குமாரதுங்க திரிபுபட்ட மனநிலையிலும் வெறுக்கத்தக்க வகையிலும் செயற்படுகிறார்.

நாடு தற்போது எதிர்நோக்கியிருக்கும் அராஜக நிலைமைக்கு அவரே நேரடியாக பொறுப்புக் கூறவேண்டும் எனவும் அங்குலுகல்லே சிறி ஜீனானந்த தேரர் குற்றம் சுமத்தியுள்ளார்.

அதேவேளை சிங்கள பௌத்த மக்களுக்காக முன்னாள் ஜனாதிபதி அன்றும் போல் இன்றும் எதனையும் மேற்கொள்ளவதில்லை என சிங்களே ஜாதிக பெரமுன அமைப்பின் தலைவர் மெடில்லே பஞ்ஞாலோக்க தேரர் குறிப்பிட்டுள்ளார்.