முன்னாள் ஜனாதிபதிக்கு இருக்கும் அச்சுறுத்தல் பற்றி கவனம் செலுத்தப்பட்டுள்ளது!

முன்னாள் ஜனாதிபதி மகிந்த ராஜபக்சவுக்கு காணப்படும் அச்சுறுத்தல் மற்றும் அவரது பாதுகாப்பு சம்பந்தமாக கிடைத்துள்ள முறைப்பாடு தொடர்பாக காவற்துறை மா அதிபர் கவனம் செலுத்தியுள்ளார்.
இது குறித்து ஆராய்ந்த பின்னர் விசாரணைகளை நடத்த உள்ளதாக காவற்துறையின் ஊடகப் பேச்சாளர் ருவான் குணசேகர தெரிவித்துள்ளார்.

முன்னாள் ஜனாதிபதியின் உயிருக்கு ஆபத்து இருப்பதாகவும் அவருக்கு போதிய பாதுகாப்பு வழங்கப்படாமை தொடர்பில் நேற்று காவற்துறை மா அதிபரிடம் முறைப்பாடு செய்யப்பட்டிருந்தது.

எவ்வாறாயினும் ஓய்வுபெற்ற முன்னாள் ஜனாதிபதிகளுக்கு வழங்கும் பாதுகாப்பை விட முன்னாள் ஜனாதிபதி மகிந்த ராஜபக்சவுக்கு மேலதிகமான பாதுகாப்பை வழங்குவது பற்றி கவனம் செலுத்தப்பட்டு வருவதாக பிரதியமைச்சர் சாந்த பண்டார தெரிவித்துள்ளார்.

கொழும்பில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.