கோத்தபாய மூலம் அவன்கார்ட் நிறுவனத்தில் இணைந்த முன்னாள் இராணுவ அதிகாரிக்கு கொலை அச்சுறுத்தல்

அவன்கார்ட் நிறுவனத்தில் கடமையாற்றிய தனக்கு நிறுவனத்தின் நிர்வாகம் கொலை அச்சுறுத்தல் விடுப்பதாக ஓய்வுபெற்ற இராணுவ கப்டன் உதய திஸாநாயக்க மிரிஹான பொலிஸ் நிலையத்தில் முறைப்பாடு செய்துள்ளார்.
இது குறித்து அவர் தெரிவிக்கையில், நான் கோத்தபாய ராஜபக்ச ஊடாக அவன்கார்ட் நிறுவனத்தில் சேவையில் இணைந்து கொண்டேன். நான் கென்யா நாட்டில் பணியாற்றினேன்.

அதேபோல் நிறுவனத்தின் கொழும்பு அலுவலகத்தில் பணியாற்றினேன். எனக்கு சம்பளம் வழங்கப்படவில்லை. ஏனைய கொடுப்பனவுகளும், வழங்குவதாக கூறிய சம்பளமும் கிடைக்கவில்லை.

எதிர்வரும் நாட்களில் இந்த நிறுவனத்துடன் சம்பந்தப்பட்ட பெரிய திருடனை பிடித்து கொடுப்பேன். இலங்கையில் இடம்பெற்ற மிகப் பெரிய கொள்ளை இது.

நிஷ்சங்க சேனாதிபதி என்னை தூஷண வார்த்தைகளால் திட்டி கொலை அச்சுறுத்தல் விடுத்து வருகிறார். அவரது உதவியாளர் ஒருவர் என்னை பின் தொடர்கிறார். இதன் காரணமாகவே நான் மிரிஹான பொலிஸ் நிலையத்தில் இந்த முறைப்பாட்டை செய்தேன் என்றார்.