பிரதமர் மோடியுடன் பிரேக் - அப்! மோடியின் தீவிர ஆதரவாளர் அதிரடி அறிவிப்பு

பிரதமர் மோடி மீதிருந்த கொஞ்சநஞ்ச மரியாதையும் இப்போது இல்லை என ராம் ஜெத்மலானி தெரிவித்துள்ளார்.
பிரபல வழக்கறிஞரும் கட்சியில் இருந்து வெளியேற்றப்பட்ட பா.ஜ.க எம்.பியுமான ராம் ஜெத்மலானி, தலைமை ஊழல் கண்காணிப்பு ஆணையராக கே.வி. சவுத்ரி நியமிக்கபட்டதற்கு கடும் எதிர்ப்பு தெரிவித்துள்ளார்.

இது தொடர்பாக பிரதமர் மோடிக்கு அவர் எழுதியுள்ள கடிதத்தில் கே.வி. சவுத்ரி நியமனத்தை எதிர்த்து உச்சநீதி மன்றத்தை அணுகப்போவதாக தெரிவித்துள்ளார்.

மேலும் தனது டுவிட்டர் பக்கத்தில், மோடியுடன் பிரேக் - அப் ஆகிவிட்டதாகவும் அவர் மீது இருந்த கொஞ்சநஞ்ச மரியாதையும் இப்போது இல்லை எனவும் தெரிவித்துள்ளார்.

முன்பு நரேந்திர மோடி பிரதமர் ஆக வேண்டும் என கடுமையாக ஆதரவளித்தவர்களில் ராம் ஜெத்மலானியும் ஒருவர் என்பது குறிப்பிடத்தக்கது.