மீள அறவிடப்படாத ஒரு பில்லியன் ரூபாய் கடன்தொகை: மோசடி தடுப்பு பொலிஸ் பிரிவு விசாரணை

அரசியல்வாதிகளின் செல்வாக்குடன் வழங்கப்பட்ட சுமார் ஒரு பில்லியன் ரூபாய் கடன்கள் தொகை மீளசெலுத்தப்படவில்லை என தெரியவந்துள்ளது.
மோசடி தடுப்பு பொலிஸ் பிரிவு இத்தகவலை தெரிவித்துள்ளது.

இலங்கை அரசாங்கத்தின் லங்காப்புத்ர அபிவிருத்தி வங்கியின் கடன் வழங்கல் தொடர்பில் நிதியமைச்சு செய்த முறைப்பாட்டுக்கு அமைய விசாரணை நடத்தப்பட்டுள்ளது.

இதன்போது வட்டியற்ற வகையில் 581மில்லியன் ரூபாய்கள் கடனாக வழங்கப்பட்டமையும் தெரியவந்துள்ளது.

திருகோணமலையில் உள்ள மீன்பிடி நிறுவனம் ஒன்றுக்கு வழங்கப்பட்ட 75 மில்லியன் ரூபாய்கள், வட்டியுடன் சேர்த்து 136 மில்லியன் ரூபாய்கள் செலுத்தப்பட வேண்டும் எனினும் 2007 ஆம் ஆண்டு முதல் அது செலுத்தப்படவில்லை என தெரிவிக்கப்படுகின்றது.