இஸ்ரேலுக்கு பயணம் மேற்கொள்ளும் முதல் இந்திய தலைவர் மோடி

பிரதமர் மோடி இஸ்ரேலுக்கு விரைவில் பயணம் மேற்கொள்ள உள்ளதால் இஸ்ரேலுக்கு செல்லும் முதல் இந்திய தலைவர் என்ற பெருமையை அடைய உள்ளார்.
வெளியுறவுத்துறை அமைச்சர் சுஷ்மா ஸ்வராஜ் கூறுகையில், நான், இந்த ஆண்டு இறுதிக்குள் இஸ்ரேல், ஜோர்டான், பாலஸ்தீனம் ஆகிய நாடுகளில் சுற்றுப் பயணம் மேற்கொள்ள இருக்கிறேன்.

இதைத் தொடர்ந்து, பிரதமர் மோடி, இஸ்ரேலுக்கும், பாலஸ்தீனத்திற்கும் செல்லவுள்ளார்.

ஆனால் அவரது பயணத்துக்கான திகதி இன்னும் உறுதி செய்யப்படவில்லை என்று தெரிவித்துள்ளார்.

இதன் மூலம் இந்தியா விடுதலையடைந்த பின்னர் இஸ்ரேல் செல்லும் முதலாவது இந்திய தலைவர் என்ற பெருமையைப் மோடி பெறுகிறார்.

இந்திய ஜனாதிபதியாகவும், பிரதமராகவும் இருந்தவர்கள் யாரும் இதுவரை அரசு முறைப் பயணமாக இஸ்ரேலுக்கு சென்றது கிடையாது.

இந்நிலையில் இஸ்ரேலுக்கு பிரதமர் நரேந்திர மோடி பயணம் மேற்கொள்ள உள்ளது குறிப்பிடத்தக்கது.