நண்டு மசாலா (கிரேவி)

நண்டு - அரை கிலோ
பெரிய வெங்காயம் - 2
தக்காளி - 3
பச்சை மிளகாய் - 4
பூண்டு - 6 பல்
இஞ்சி - அரை அங்குலம்
மிளகாய் தூள் - 2 தேக்கரண்டி
மல்லித்தூள் - 3 தேக்கரண்டி
மஞ்சள் தூள் - அரை தேக்கரண்டி
புளி - நெல்லிகாய் அளவு
சோம்பு, சீரகம், மிளகு - தலா ஒரு தேக்கரண்டி
தேங்காய் - 4 சில்
எண்ணெய் - 4 தேக்கரண்டி
உப்பு - தேவையான அளவு
தாளிக்க;
பட்டை - ஒன்று
கிராம்பு - ஒன்று
பிரிஞ்சி இலை - சிறிது
கடுகு, உளுத்தம் பருப்பு, வெந்தயம் - ஒரு தேக்கரண்டி


தேங்காய், சோம்பு, சீரகம், மிளகு, பூண்டு, இஞ்சி ஆகியவற்றுடன் 5 சின்னவெங்காயம் சேர்த்து அரைக்கவும்.
ஒரு கனமான பாத்திரத்தில் தாளிக்க வேண்டியவற்றை தாளித்து பொடியாக நறுக்கிய வெங்காயம், தக்காளி, கீறிய பச்சை மிளகாய் சேர்த்து வதக்கவும்.
பிறகு நண்டு சேர்த்து கிளறி மஞ்சள் தூள், மிளகாய் தூள், மல்லித்தூள் போட்டு புளியை 2 கிளாஸ் தண்ணீரில் கரைத்து ஊற்றவும்.
அதில் உப்பு சேர்த்து அரைத்த மசாலாவையும் போட்டு கொதிக்க விடவும். நன்கு கொதித்து நண்டு வெந்தவுடன் இறக்கவும்.