பனீர் முந்திரி குருமா

பால் - 1/2 கப்
பனீர் - 1 கப்
இஞ்சி,பூண்டு விழுது - 5 தேக்கரண்டி(தேவைக்கேற்ப)
உப்பு - (தேவைக்கேற்ப)
வெண்ணெய் - 3 தேக்கரண்டி
எண்ணெய் - 2 தேக்கரண்டி
பட்டை - 3
லவங்கம் - 5
ஏலக்காய் - 2
பிரியாணி இலை - 2
வெங்காயம் - 1 கப்
மஞ்சள் தூள் - 1/2 தேக்கரண்டி
மிளகாய் தூள் - 1/2 தேக்கரண்டி
கொத்தமல்லித்தூள் - 1 தேக்கரண்டி
கறி மசாலா - 1 தேக்கரண்டி
தக்காளி - 3
மிளகுத்தூள் - 2 தேக்கரண்டி
தேங்காய் துருவல் - 1/2 கப்
முந்திரி துருவல் - தேவைக்கேற்ப
கொத்தமல்லித்தழை - சிறிது


கடாயில் வெண்ணெய், எண்ணெய் விட்டு காய்ந்ததும் பட்டை, லவங்கம், ஏலக்காய், பிரியாணி இலை சேர்த்து வதக்கவும். பின் வெங்காயம் சேர்த்து நன்கு வதக்கவும்.
அதில் பாதி உப்பு மற்றும் இஞ்சி,பூண்டு விழுது சேர்த்து நன்கு வதக்கவும்.
பிறகு மஞ்சள் தூள்,மிளகாய் தூள்,கொத்தமல்லி தூள்,கறி மசாலா தூள் சேர்த்து வதக்கவும்.
அதனுடன் தக்காளி சேர்த்து தேவையானால் தண்ணீர் தெளித்து, எண்ணெய் வேண்டும் எனில் சிறிது ஊற்றி நன்கு எண்ணெய் மிதக்கும் வரை வதக்கவும். அதில் 2 கப் தண்ணீர் ஊற்றவும்.
பிறகு மிளகு தூள், பால் சேர்க்கவும். அதில் பனீர், தேங்காய் துருவல், முந்திரி துருவல், கொத்தமல்லித்தழை சேர்த்து நன்கு கொதி வந்ததும் இறக்கவும். சுவையான குருமா தயார்.