இரத்மலானை தொகுதியில் போட்டியிடும் கோத்தபாய

எதிர்வரும் பொதுத் தேர்தலில் இரத்மலானை தொகுதியில், முன்னாள் பாதுகாப்பு செயலாளர் கோத்தபாய ராஜபக்ச  போட்டியிடவுள்ளதாக அவருக்கு நெருக்கமான தகவல்கள் தெரிவிக்கின்றன.
இது தொடர்பில் நேற்று மாலை கலந்துரையாடல் இடம்பெற்றுள்ளதாக தெரிவிக்கப்படுகின்றது.

தற்போதைய அரசாங்கத்திற்கு முக்கிய தாக்குதல் நடத்துவதோடு, பிரச்சார நிறுவனங்களின் ஊடாகவும் சமூக வலைத்தளங்களின் ஊடாகவும் அவரது தேர்தல் பிரச்சாரங்களை மேற்கொள்ளவுள்ளதாக தகவல் வெளியாகியுள்ளது.

ஸ்ரீலங்கா சுதந்திர கட்சியிலேயே கோத்தபாய ராஜபக்ச போட்டியிடுவதற்கான அதிக வாய்ப்புக்கள் காணப்படுவதாக குறிப்பிடப்படுகின்றது.

இதேவேளை இதற்கு முன்னர் கோட்டை தொகுதியில் கோத்தபாய ராஜபக்ச போட்டியிடுவதாக காணப்பட்டது.

இரத்மலானை தொகுதியில் மகிந்த ஆதரவாளர்களில் ஒருவரான ஜீவன் குமாரதுங்கவினால் கடந்த காலத்தில் மேற்கொள்ளப்பட்ட மகிந்தவுக்கு எதிரான நடவடிக்கைகளை மேற்கொண்டிருந்தார்.

இதனடிப்படையிலேயே இரத்மலானைக்கு மகிந்த ஆதரவாளர் ஒருவரை களமிறக்கும் நோக்கிலேயே கோத்தபாய தெரிவு செய்யப்பட்டுள்ளார் என தெரிவிக்கப்பட்டுள்ளது.

ஐக்கிய தேசிய கட்சியின் இரத்மலானை தொகுதி அமைப்பாளர் உபுல் ஷாந்த சன்னஸ்கல என்பதும் குறிப்பிடத்தக்கது.