சில நாடாளுமன்ற உறுப்பினர்களின் செயற்பாடுகள் வருந்தத்தக்க வகையில் அமைந்துள்ளது: அஸ்கிரி பீடாதிபதி

சில நாடாளுமன்ற உறுப்பினர்களின் செயற்பாடுகள் வருந்தத்தக்க வகையில் அமைந்துள்ளதாக அஸ்கிரி பீடாதிபதி ஸ்ரீ அத்தாதிஸ்ஸி தேரர் தெரிவித்துள்ளார்.
தற்போதைய பாராளுமன்றின் சில உறுப்பினர்களின் நடவடிக்கைகள் அதிருப்தியை ஏற்படுத்துகின்றது.

அண்மையில் நாடாளுமன்ற உறுப்பினர் ஒருவர் இவ்வாறு வருந்தத்தக்க வகையில் செயற்பட்டிருந்தார்.

அரசாங்கத்தின் அனைத்து நடவடிக்கைகளையும் எதிர்த்து அவர்களின் காலை இழுப்பதல்ல எதிர்க்கட்சியின் நோக்கம்.

அரசாங்கத்தை நல்வழிப்படுத்த ஆக்கபுர்வமான ஒத்துழைப்பை வழங்க முடியும்.

நல்ல விடயங்களை பாராட்டும் அதேவேளை, பிழைகளை சுட்டிக்காட்ட வேண்டுமென அவர் வலியுறுத்தியுள்ளார்.

எதிர்க்கட்சி நாடாளுமன்ற உறுப்பினர் கெஹலிய ரம்புக்வெல்ல, அஸ்கிரி பீடாதிபதியை சந்தித்த போது அவர் இதனைத் தெரிவித்துள்ளார்.