கமலா தோல் ஊறுகாய்

கமலா தோல் - ஒரு கப்
பூண்டு - 10 பல்
புளி - எலுமிச்சை அளவு
மஞ்சள் தூள் - ஒரு தேக்கரண்டி
மிளகாய் தூள் - ஒரு தேக்கரண்டி
கடுகு - ஒரு தேக்கரண்டி
சீரகம் - அரை தேக்கரண்டி
சீரகத் தூள் - ஒரு தேக்கரண்டி
காய்ந்த மிளகாய் - 2
கறிவேப்பிலை - 2 கொத்து
வினிகர் - அரை கப்
எண்ணெய் - 3 மேசைக்கரண்டி
உப்பு - தேவையான அளவு



கமலா தோலைக் கழுவி மிகச் சிறிதாக நறுக்கி வைக்கவும். புளியை சிறிது நீர் விட்டு சற்று கெட்டியாக கரைத்துக் கொள்ளவும்.


ஒரு கடாயில் எண்ணெய் ஊற்றி கடுகு, காய்ந்த மிளகாய், சீரகம், பூண்டு, கறிவேப்பிலை போட்டு தாளிக்கவும்.


தாளித்ததும் மஞ்சள் தூள், மிளகாய் தூள் போட்டு சிவக்க வறுக்கவும்.


அதில் கமலா தோல், சீரகத் தூள், உப்பு சேர்க்கவும்.


பின் புளிக் கரைசலை ஊற்றி 15 நிமிடம் சிறுதீயில் வேக விடவும்.


ஒரு சுத்தமான பாட்டிலில் போட்டு, அரை கப் வினிகரை ஊற்றி மூடி வைத்தால் சுவையான கமலா தோல் ஊறுகாய் தயார். நீண்ட நாள் வரை கெட்டுப் போகாது.