மீண்டும் முதல்வரான ஜெயலலிதா: இன்று அம்மா உணவகத்தில் இலவச உணவு!

ஜெயலலிதா மீண்டும் முதல்வராக பதவியேற்பதை முன்னிட்டு சென்னையில் உள்ள அனைத்து அம்மா உணவகங்களிலும் இன்று மூன்று வேளை உணவு இலவசமாக வழங்கப்படுகிறது.
சென்னை மாநகராட்சியில் உள்ள 207 அம்மா உணவகங்களில் மலிவான விலையில் உணவு வழங்கப்பட்டு வருகிறது.

இந்நிலையில் ஜெயலலிதா மீண்டும் முதல்வராக இன்று பதவியேற்றுள்ளதை கொண்டாடும் விதமாக அம்மா உணவகங்களில் இன்று மூன்று வேளை உணவு இலவசமாக வழங்கப்படும் என சென்னை மேயர் சைதை துரைசாமி தெரிவித்துள்ளார்.

மேலும் அதற்கான செலவுகள் முழுவதையும் அவரே ஏற்றுக்கொள்வதாகவும் கூறியுள்ளது குறிப்பிடத்தக்கது.