அரச ஊழியர்களுக்கு அடுத்த மாதம் இரண்டாம்கட்ட சம்பளம் அதிகரிப்பு

அரச ஊழியர்களின் சம்பளத்தில் இரண்டாம் கட்டமாக அடுத்த மாதம் முதல் இரண்டாயிரம் ரூபா அதிகரிக்கப்படவுள்ளது.
நாடாளுமன்றத்தில் நேற்றைய தினம் உரையாற்றிய போதே பெருந்தோட்ட கைத்தொழில் அமைச்சர் லக்ஷ்மன் கிரியெல்ல இதனை குறிப்பிட்டுள்ளார்.

இந்த சம்பள அதிகரிப்பு எதிர்வரும் ஜுன் மாதம் முதலாம் திகதி முதல் அமுல்படுத்தப்படும் என அமைச்சர் லக்ஸ்மன் கிரியெல்ல தெரிவித்துள்ளார்.

அரச ஊழியர்களுக்கான 10 ஆயிரம் ரூபா சம்பள அதிகரிப்பின் ஒரு கட்டமாகவே அவ் அதிகரிப்பு மேற்கொள்ளப்படவுள்ளது.

அரச ஊழியர்களுக்கான 3 ஆயிரம் ரூபா இடைக்கால கொடுப்பனவுடன், கடந்த பெப்ரவரி முதல் வழங்கப்பட்ட ஐயாயிரம் ரூபாவையும் சேர்த்து 8 ஆயிரம் ரூபாவாக வழங்கப்படுகின்றமை குறிப்பிடத்தக்கது.