ராஜீவ் காந்தியின் 24வது நினைவு தினம்: சோனியா, ராகுல் காந்தி அஞ்சலி

முன்னாள் பிரதமர் ராஜீவ் காந்தியின் நினைவு தினமான இன்று அவரது சமாதியில் காங்கிரஸ் தலைவர் சோனியா காந்தி தனது மகன் ராகுல் காந்தி, மகள் பிரியங்காவுடன் அஞ்சலி செலுத்தியுள்ளார்.
முன்னாள் பிரதமர் ராஜீவ் காந்தியின் 24வது நினைவு தினம் இன்று அனுசரிக்கப்படுகிறது.

இந்நிலையில் அவரது மனைவியும் காங்கிரஸ் கட்சியின் தலைவருமான சோனியா காந்தி டெல்லியில் உள்ள அவரது சமாதியான வீர் பூமியில் இன்று காலை அஞ்சலி செலுத்தியுள்ளார்.

காங்கிரஸ் துணை தலைவர் ராகுல் காந்தியும், அவரது சகோதரி பிரியங்கா, மருமகன் ராபர்ட் வதேரா ஆகியோரும் தங்கள் தந்தை ராஜீவின் சமாதியில் மலர் தூவி அஞ்சலி செலுத்தியுள்ளனர்.

மேலும், காங்கிரஸ் தலைவர்கள் அஜய் மகேன், பி.சி. சாக்கோ ஆகியோரும் ராஜீவுக்கு அஞ்சலி செலுத்தியுள்ளனர்.

1991ம் ஆண்டு ஸ்ரீபெரும்புதூரில் நடந்த தேர்தல் பிரச்சாரக் கூட்டத்தில் கலந்து கொண்ட ராஜீவ் காந்தி தற்கொலைப்படை தாக்குதலில் பலியானார் என்பது குறிப்பிடத்தக்கது.