டுபாயில் நடத்தப்படவிருந்த போர் வெற்றிக் கொண்டாட்டங்கள் ரத்து?

டுபாயில் நடத்தப்படவிருந்த போர் வெற்றிக் கொண்டாட்டங்கள் ரத்து செய்யப்பட்டுள்ளது.
டுபாயில் இலங்கையர்கள் வருடாந்தம் போர் வெற்றிக் கொண்டாட்டங்களில் ஈடுபட்டு வந்தனர்.

கடந்த ஐந்து ஆண்டுகளாக போர் நிறைவைக் குறிக்கும் வகையில் போர் வெற்றிக் கொண்டாட்டங்கள் நடத்தப்பட்டுள்ளன.

டுபாயில் அமைந்துள்ள இலங்கை கொன்சோல் காரியாலயத்தினால் ஏற்பாடு செய்யப்படும் நிகழ்வில் பெரும் எண்ணிக்கையிலான இலங்கையர்கள் பங்கேற்பது வழமையாகும்.

எனினும், போர் வெற்றியீட்டப்பட்ட ஆறாம் ஆண்டை கொண்டாடும் நிகழ்வுகளுக்கு இலங்கை வெளிவிவகார அமைச்சு தடை ஏற்படுத்தியுள்ளது.

போர் வெற்றிக் கொண்டாட்டங்களில் பங்கேற்பதற்காக விசேட அதிதிகளாக தேசப்பற்றுடைய தேசிய இயக்கத்தின் முக்கிய உறுப்பினர்களான குணதாச அமரசேகர மற்றும் வசந்த பண்டார ஆகியோர் டுபாய் சென்றிருந்தனர்.

எனினும் போர் வேற்றிக் கொண்டாட்டங்களை நிறுத்துமாறு வெளிவிவகார அமைச்சின் அதிகாரிகள் உத்தரவு பிறப்பித்துள்ளனர்.

இதனால், டுபாய் வாழ் இலங்கையர்களுக்கு ஆற்றவிருந்த விசேட உரைகளை ரத்து செய்து குணதாச அமரசேகர மற்றும் வசந்த பண்டார ஆகியோர் நேற்று நாடு திரும்பினர்.