வித்தியாவின் கொலையை கண்டித்து கிளிநொச்சி தர்மபுரத்தில் கடையடைப்பு, ஆர்ப்பாட்டம்!

கிளிநொச்சி தர்மபுரத்தில் வித்தியாவின் படுகொலையை கண்டித்து கடைகள் அடைக்கப்பட்டு கண்டன ஊர்வலமும் இன்று நடத்தப்பட்டுள்ளது.
கண்டவாளை தர்மபுர பிரதேசத்தை சேர்ந்த பாடசாலைகள் அரசநிறுவனங்கள் தனியார் கல்வி நிலையங்கள் கிராம அபிவிருத்தி சங்கங்கள் மாதர் கிராம அபிவிருத்தி சங்கங்கள் இளைஞர் அமைப்புக்கள் முச்சக்கரவண்டி உரிமையாளர் அமைப்புக்கள் இணைந்து இந்த கண்டன ஊர்வலத்தையும் நீதிகோரி கவனயீர்ப்பையும் நடத்தியுள்ளனர்.

இந்த கண்டன பேரணியின் முடிவில் சட்டமா அதிபர் வடக்கு மாகாண முதலமைச்சர் கிளிநொச்சி பொலிஸ் பொறுப்பதிகாரி தமிழ் தேசிய கூட்டமைப்பு பா.உறுப்பினர் சி.சிறீதரன் ஆகியோருக்கு மகஜர்களும் அவர்களின் பிரதிநிதிகளிடம் கையளிக்கப்பட்டன.