மார்கழி மாத பிறப்பையொட்டி நாளை முதல் திருப்பதியில் திருப்பாவை, திருவெம்பாவை நிகழ்ச்சி

திருமலை, டிச.16–

திருமலை–திருப்பதி தேவஸ்தானம் வெளியிட்டுள்ள செய்திக்குறிப்பில் கூறியிருப்பதாவது:–

மார்கழி மாதம் செவ்வாய்க்கிழமை (இன்று) மாலை 4.42 மணிக்கு பிறக்கிறது. அதையொட்டி திருப்பதி ஏழுமலையான் கோவிலில் தினமும் அதிகாலையில் 2.30 மணியளவில் நடக்கும் சுப்ரபாத சேவைக்கு பதிலாக புதன்கிழமை (நாளை) முதல் அடுத்த ஆண்டு (2015) ஜனவரி மாதம் 14–ந்தேதி வரை ஒரு மாதத்துக்கு கோவிலில் திருப்பாவை மற்றும் திருவெம்பாவை பாசுரம் நிகழ்ச்சி நடக்கிறது.

அதேபோல் திருப்பதி கோவிந்தராஜ சாமி கோவில், கோதண்டராமசாமி கோவில், அப்பலாயகுண்டா பிரசன்ன வெங்கடேஸ்வரசாமி கோவில், சீனிவாசமங்காபுரம் கல்யாண வெங்கடேஸ்வரசாமி கோவில் ஆகியவற்றிலும் நாளை முதல் திருப்பாவை, திருவெம்பாவை பாசுரம் நிகழ்ச்சி நடக்கிறது.

இவ்வாறு அதில் கூறப்பட்டுள்ளது.