லலித் வீரதுங்கவிடம் தற்பொழுது விசாரணை! கைது செய்யப்படுவாரா?

முன்னாள் ஜனாதிபதி மஹிந்த ராஜபக்சவின் செயலாளர் லலித் வீரதுங்கவிடம் தற்பொழுது விசாரணை நடத்தப்பட்டு வருவதாக தெரிவிக்கப்படுகிறது.
நிதிக் குற்றவியல் விசாரணைப் பிரிவினரால் அவரிடம் தற்பொழுது விசாரணைகள் நடத்தப்பட்டு வருகின்றது.

வடக்கு,கிழக்கில் சுனாமி அனர்த்தத்தில் பாதிக்கப்பட்டவர்களுக்கு வீடுகளை நிர்மானம் செய்து கொடுப்பதாக கூறி அந்த நிதியில் மோசடி செய்யப்பட்டுள்ளதாக ராடா நிறுவனம் மீது குற்றம் சுமத்தப்பட்டுள்ளது.

இந்த நிறுவனத்தின் கொடுக்கல் வாங்கல்கள் தொடர்பிலும் லலித் வீரதுங்கவிடம் விசாரணைகள் நடத்தப்பட்டு வருவதாகத் தெரிவிக்கப்படுகிறது.

அத்துடன் அந்த நிறுவனத்தின் பணிப்பாளர்கள் கைது செய்யப்பட்டு தடுத்து வைக்கப்பட்டுள்ளார்கள் என்பதும் குறிப்பிடத்தக்கது.