பிரான்பற்று காளி கோவிலில் 113 ஆடுகள் பலி

வலி.மேற்கு பிரதேசத்திலுள்ள பிரான்பற்று, காளி அம்மன் ஆலய வருடாந்த வேள்வி இன்று காலை நடைபெற்றபோது 113 ஆடுகள் பலியிடப்பட்டன.
சுகாதார விதிமுறைகள், சட்டதிட்டங்களுக்கு அமைவாகவே ஆடுகள் பலியிடப்பட்டன.

சுகாதார வைத்திய அதிகாரியின் அறிவுறுத்தலுக்கு அமைவாக கடாக்களை வெட்டும் மூவரும் மருத்துவ பரிசோதனைக்கு உட்படுத்தப்பட்டதுடன், ஆலய வீதியில் இதற்கென அமைக்கப்பட்ட கொல்களத்தில் 113 ஆடுகள் பலியிடப்பட்டன.

அதேபோன்று வெட்டப்படும் கடாக்களும் பரிசோதனைக்கு உட்படுத்தப்பட்டன. பரிசோதனைக்கு உட்படுத்தப்படாத கடாக்களை வெட்ட அனுமதி வழங்கப்படவில்லை எனத் தெரிவிக்கப்படுகிறது.

இதனால் 80க்கு மேற்பட்ட கடாக்கள் திருப்பிக்கொண்டு செல்லப்பட்டன.

ஆடு பலியிடப்பட்ட போது பொலிஸாரும் கண்காணிப்பில் ஈடுபட்டிருந்தனர்.