சாக்லெட் கடல்பாசி

கடல்பாசி - ஒரு பாக்கெட்
சாக்லெட் பார் - ஒன்று
சர்க்கரை - அரை கப்
பால் - அரை கப்
பாதாம் (துருவியது) - 2 தேக்கரண்டி



தேவையானவற்றைத் தயாராக எடுத்துக் கொள்ளவும்.


பாத்திரத்தில் சாக்லெட் பாருடன் ஒரு தேக்கரண்டி சர்க்கரை சேர்த்து அடுப்பில் வைத்து கரைத்துக் கொள்ளவும்


மற்றொரு பாத்திரத்தில் ஒரு பெரிய டம்ளர் அளவு தண்ணீர் ஊற்றி கொதிக்க வைத்து, அதனுடன் கடல் பாசியைச் சேர்த்து நன்கு கரையும் வரை கொதிக்கவிடவும்.


கடல் பாசி நன்கு கரைந்ததும் சர்க்கரை சேர்த்து, சர்க்கரை கரையும் வரை கொதிக்கவிடவும்


கொதித்த கலவையுடன் சாக்லெட் கலவையை ஊற்றி கொதிக்கவிடவும்.


கலவை நன்கு கலந்துக் கொதிவரத் துவங்கியதும் பாலைச் சேர்த்து கலந்துவிட்டு கொதிக்கவிடவும்.


கலவை சற்று கெட்டியாக ஆரம்பித்ததும் தட்டில் பரவலாக நிரப்பி துருவிய பாதாமைச் சேர்க்கவும். ஆறியதும் ஃப்ரிட்ஜில் வைத்து எடுத்து துண்டுகள் போடவும்.


சுவையான சாக்லெட் கடல்பாசி ரெடி.