இந்தியா அரசாங்கத்தை குற்றம்சாட்டும் பாகிஸ்தான் இராணுவம்

இந்தியா பயங்கரவாதத்தை துாண்டுவதாக பாகிஸ்தான் இராணுவம் குற்றம் சாட்டியுள்ளது.
பாகிஸ்தானில் பயங்கரவாதத்தை இந்தியா தூண்டுகிறது என்பது தொடர்பான குற்றச்சாட்டில் பாகிஸ்தான் ராணுவ கமாண்டர்கள் கவலையை வெளிப்படுத்தி உள்ளனர்.

ராவல்பிண்டியில் பாகிஸ்தான் இராணுவ ஜெனரல் ராஹீல் செரீப் தலைமையில் நடைபெற்ற ராணுவ அதிகாரிகள் கூட்டத்தில் இப்பிரச்சனை ஆலோசிக்கப்பட்டது.

“பாகிஸ்தானில் பயங்கவாதத்தை தூண்டுவதில் இந்தியாவிற்கு தொடர்பு உள்ளது என்ற குற்றச்சாட்டு முக்கியமானதாக எடுத்துக் கொள்ளப்பட்டதாக அந்நாட்டு இன்டர் சர்வீசஸ் தகவல் வெளியிட்டுள்ளது.

பாகிஸ்தானின் கராச்சிநகரில் முத்தாகிதா குவாமி இயக்கத்துடன் (MQM,) தொடர்பு உடைய தொழிலாளர்கள் இரண்டு பேர் கைது செய்யப்பட்டனர். இவர்கள் ரா உத்தரவின்பேரில் வன்முறையை தூண்டிவிட்டதாக குற்றம் சாட்டப்பட்டது.

இது தொடர்பான செய்திகள் பாகிஸ்தான் இணையதளங்களில் வெளியாகியது. இதனையடுத்தே இராணுவம் தரப்பில் இந்த அறிவிப்பு வெளியாகி உள்ளது.